ਡਾਇਬਿਟੀਜ਼/Diabetes

ਕਸਰਤ ਕਰਨਾ ਤੁਹਾਡੇ ਲਈ ਲਾਹੇਵੰਦ ਹੋਵੇਗਾ, ਹਾਲਾਂਕਿ ਵਿਰਾਸਤ ਦੇ ਕਾਰਨ ਤੁਹਾਡੇ ਵੱਲੋਂ ਟਾਈਪ II ਸ਼ੂਗਰ ਨਾਲ ਪੀੜਤ ਹੋਣ ਦੀ ਸੰਭਾਵਨਾ ਹਾਲੇ ਵੀ ਬਹੁਤ ਵੱਧ ਹੈ। ਕਿਰਪਾ ਕਰਕੇ ਆਪਣੀ ਖੁਰਾਕ ਦਾ ਧਿਆਨ ਰੱਖੋ ਅਤੇ ਹਰੇਕ ਸਾਲ ਬਲੱਡ ਸ਼ੂਗਰ ਟੈਸਟ ਕਰਾਉਣ ਲਈ ਆਪਣੇ ਪਰਿਵਾਰਕ ਡਾਕਟਰ ਕੋਲ ਜਾਓ।

ਆਪਣੇ ਸਰਜਨ ਕੋਲੋਂ ਪਹਿਲਾਂ ਹੀ ਇਸ ਬਾਰੇ ਜਾਂਚ ਕਰਵਾਓ।

ਸ਼ੂਗਰ ਦੇ ਮਰੀਜ਼ ਜੋ 65 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਹਨ, ਉਨ੍ਹਾਂ ਨੂੰ ਆਪਣੇ ਪੈਰਾਂ ਦੇ ਨਹੁੰ ਖੁਦ ਨਹੀਂ ਕੱਟਣੇ ਚਾਹੀਦੇ। ਇੱਥੇ ਪੇਸ਼ੇਵਰ ਹਨ ਜੋ ਸਰਕਾਰ ਦੁਆਰਾ ਅਦਾ ਕੀਤੇ ਖਰਚੇ ਨਾਲ ਤੁਹਾਡੇ ਲਈ ਇਹ ਕਾਰਜ ਕਰ ਸਕਦੇ ਹਨ।

ਹਾਂ, ਕਿਰਪਾ ਕਰ ਕੇ ਉਹੀ ਖੁਰਾਕ ਲਓ।

ਹਾਂ। ਸ਼ੂਗਰ ਦੇ ਮਰੀਜ਼ ਦੀਆਂ ਅੱਖਾਂ ਦੀ ਸਲਾਨਾ ਜਾਂਚ ਹੋਣੀ ਚਾਹੀਦੀ ਹੈ ਕਿਉਂਕਿ ਰੀਟੀਨੋਪੈਥੀ ਅਤੇ ਮੋਤੀਆਬਿੰਦ ਸ਼ੂਗਰ ਦੀਆਂ ਆਮ ਸਮੱਸਿਆਵਾਂ ਹਨ।

ਗੁਰਦੇ ਦੀ ਕਾਰਜਸ਼ੀਲਤਾ ਵਿਚ ਗਿਰਾਵਟ ਸ਼ੂਗਰ ਨਾਲ ਸਬੰਧਿਤ ਸਮੱਸਿਆਵਾਂ ਵਿਚੋਂ ਇਕ ਹੈ। ਖੂਨ ਦੇ ਟੈਸਟ ਤੁਹਾਡੇ ਗੁਰਦਿਆਂ ਦੀ ਕਾਰਜਸ਼ੀਲਤਾ ਨੂੰ ਪ੍ਰਗਟ ਕਰਨਗੇ। ਤੁਹਾਡੇ ਗੁਰਦੇ ਕਚਰੇ ਨੂੰ ਬਾਹਰ ਕੱਢਣ ਵਾਸਤੇ ਹਨ। ਤੁਹਾਡੇ ਪਿਸ਼ਾਬ ਵਿਚਲੇ ਬੁਲਬੁਲੇ ਇਸ ਕਚਰੇ ਦੇ ਕਾਰਨ ਹੋ ਸਕਦੇ ਹਨ, ਇਸ ਲਈ ਇਹ ਜ਼ਰੂਰੀ ਨਹੀਂ ਕਿ ਪੇਸ਼ਾਬ ਦੇ ਵਿਗਾੜ ਕਾਰਨ ਹੋਵੇ।

ਹਾਂ, ਹੇਠ ਦਿੱਤੀਆਂ 5 ਸਥਿਤੀਆਂ ਦਿਲ ਦੇ ਦੌਰਾ ਪੈਣ ਦੇ ਤੁਹਾਡੇ ਜੋਖਮ ਨੂੰ ਵਧਾਉਣਗੀਆਂ: ਸ਼ੂਗਰ, ਉੱਚ ਕੋਲੇਸਟ੍ਰੋਲ, ਤੰਬਾਕੂਨੋਸ਼ੀ, ਹਾਈ ਬਲੱਡ ਪ੍ਰੈਸ਼ਰ ਅਤੇ ਕਸਰਤ ਦੀ ਘਾਟ। ਸ਼ੂਗਰ ਦਿਲ ਦਾ ਦੌਰਾ ਪੈਣ ਦਾ ਇਕ ਕਾਰਨ ਹੈ।

ਜੇ ਤੁਹਾਨੂੰ ਹਲਕੀ ਕਿਸਮ ਦੀ ਸ਼ੂਗਰ (ਜੋ ਇੰਸੁਲਿਨ ‘ਤੇ ਨਿਰਭਰ ਨਹੀਂ ਹੈ) ਹੈ, ਤਾਂ ਤੁਹਾਡੀ ਸਥਿਤੀ ਨੂੰ ਸਿਹਤਮੰਦ ਜੀਵਨ ਸ਼ੈਲੀ ਦੁਆਰਾ ਸੁਧਾਰਿਆ ਜਾ ਸਕਦਾ ਹੈ (ਉਦਾਹਰਣ ਵਜੋਂ ਇੰਸੁਲਿਨ ਦੇ ਇਲਾਜ ਦੀ ਬਜਾਏ ਆਪਣੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਨ ਵਾਸਤੇ ਖੁਰਾਕ, ਕਸਰਤ ਅਤੇ ਸਰੀਰ ਦੇ ਭਾਰ ਨੂੰ ਬੇਹਤਰ ਬਣਾਓ)। ਗੈਸਟੇਸ਼ਨਲ ਸ਼ੂਗਰ ਅਕਸਰ ਅਸਥਾਈ ਹੁੰਦੀ ਹੈ ਕਿਉਂਕਿ ਇਹ ਹਾਰਮੋਨ ਵਿਚ ਬਦਲਾਵਾਂ ਦੇ ਕਾਰਨ ਹੁੰਦੀ ਹੈ ਜੋ ਕਿ ਇੰਸੁਲਿਨ ਦੇ ਕਾਰਜ ਨੂੰ ਦਬਾਉਂਦੀ ਹੈ।

ਜੇਕਰ ਪਿਤਾ ਜਾਂ ਜੱਦੀ ਪਰਿਵਾਰਕ ਮੈਂਬਰਾਂ ਨੂੰ ਸ਼ੂਗਰ ਹੋ ਗਈ ਹੈ, ਤਾਂ ਬੱਚਿਆਂ ਨੂੰ ਵੀ ਸ਼ੂਗਰ ਦੀ ਬਿਮਾਰੀ ਹੋਣ ਦੀ ਸੰਭਾਵਨਾ ਵਧੇਰੇ ਹੋਵੇਗੀ। ਟਾਈਪ II ਸ਼ੂਗਰ ਦੇ ਮਰੀਜ਼ ਦੇ ਬੱਚੇ ਸਿਹਤਮੰਦ ਜੀਵਨ ਸ਼ੈਲੀ ਅਪਣਾ ਕੇ ਸ਼ੂਗਰ ਹੋਣ ਦੇ ਜੋਖਮ ਨੂੰ ਘਟਾ ਸਕਦੇ ਹਨ, ਜਿਵੇਂ ਕਿ, ਸਿਹਤਮੰਦ ਖੁਰਾਕ, ਲੋੜੀਂਦੀ ਕਸਰਤ, ਅਤੇ ਸਰੀਰ ਦੇ ਭਾਰ ਨੂੰ ਕੰਟਰੋਲ ਵਿਚ ਰੱਖਣਾ। ਦੂਜੇ ਪਾਸੇ, ਇਸ ਸਬੰਧ ਵਿਚ ਟਾਈਪ I ਸ਼ੂਗਰ ਦੀ ਪੁਸ਼ਟੀ ਹੋਣੀ ਅਜੇ ਬਾਕੀ ਹੈ।

ਅੱਧਖੜ ਉਮਰ ਦੇ ਬਾਲਗ ਜਾਂ ਬਜ਼ੁਰਗ ਲੋਕ ਜੋ ਜ਼ਿਆਦਾ ਭਾਰ ਵਾਲੇ ਹੁੰਦੇ ਹਨ, ਜਾਂ ਜਿਹਨਾਂ ਲੋਕਾਂ ਦੀ ਕਮਰ ਦੇ ਆਲੇ-ਦੁਆਲੇ ਬਹੁਤ ਜ਼ਿਆਦਾ ਚਰਬੀ ਇਕੱਠੀ ਹੋ ਜਾਂਦੀ ਹੈ, ਉਨ੍ਹਾਂ ਨੂੰ ਸ਼ੂਗਰ ਰੋਗ ਹੋਣ ਦੀ ਸੰਭਾਵਨਾ ਵੱਧ ਹੁੰਦੀ ਹੈ। ਇਸ ਸਥਿਤੀ ਵਿਚ ਅਕਸਰ ਮਰੀਜ਼ ਇੰਸੁਲਿਨ ਪ੍ਰਤੀ ਰੋਧਕ ਬਣ ਜਾਂਦੇ ਹਨ ਜਾਂ ਉਨ੍ਹਾਂ ਦਾ ਜਿਗਰ ਸ਼ੂਗਰ ਛੱਡਦਾ ਹੈ। ਪਤਲੇ ਲੋਕਾਂ ਦੇ ਵੀ ਸ਼ੂਗਰ ਤੋਂ ਪੀੜਤ ਹੋਣ ਦੇ ਚਾਂਸ ਹੁੰਦੇ ਹਨ। ਵਿਸ਼ੇਸ਼ ਤੌਰ ‘ਤੇ ਟਾਈਪ I (ਇੰਸੁਲਿਨ ‘ਤੇ ਨਿਰਭਰ) ਜਾਂ ਟਾਈਪ II ਜਦੋਂ ਉਹ ਇੰਸੁਲਿਨ ਦੀ ਨਾਕਾਫ਼ੀ ਮਾਤਰਾ ਦੇ ਕਾਰਨ ਵੱਡੇ ਹੁੰਦੇ ਹਨ। ਸ਼ੂਗਰ ਦੇ ਲੱਛਣਾਂ ਵਿਚੋਂ ਇਕ ਸਰੀਰ ਦੇ ਭਾਰ ਵਿਚ ਕਮੀ ਹੈ ਕਿਉਂਕਿ ਗਲੂਕੋਜ਼ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਉਪਯੋਗ ਕੀਤੇ ਜਾਣ ਵਾਲੇ ਮਨੁੱਖੀ ਸੈੱਲਾਂ ਵਿਚ ਦਾਖਲ ਨਹੀਂ ਹੋ ਪਾਉਂਦਾ।

ਹੁਣ ਤੱਕ ਇਸ ਦਾ ਕੋਈ ਸਬੂਤ ਨਹੀਂ ਮਿਲਿਆ ਹੈ ਕਿ ਮਾਨਸਿਕ ਸਥਿਤੀ ਸਿੱਧੇ ਤੌਰ ‘ਤੇ ਸ਼ੂਗਰ ਦਾ ਕਾਰਨ ਬਣ ਸਕਦੀ ਹੈ ਪਰ ਇਹ ਅਸਿੱਧੇ ਤੌਰ ‘ਤੇ ਸ਼ੂਗਰ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਉਦਾਹਰਣ ਲਈ, ਡਿਪਰੈਸ਼ਨ (ਉਦਾਸੀਨਤਾ) ਦੀ ਬਿਮਾਰੀ ਵਾਲੇ ਲੋਕ ਆਪਣੀ ਖੁਰਾਕ ਜਾਂ ਰੋਜ਼ਾਨਾ ਦੀਆਂ ਗਤੀਵਿਧੀਆਂ ਵਿੱਚ ਬਦਲਾਵ ਕਰਦੇ ਹਨ ਜਿਸ ਕਾਰਨ ਉਨ੍ਹਾਂ ਦੇ ਬਲੱਡ ਸ਼ੂਗਰ ਦੇ ਪੱਧਰ ਵਿਚ ਵਾਧਾ ਹੋ ਸਕਦਾ ਹੈ। ਦੂਜੇ ਪਾਸੇ, ਸ਼ੂਗਰ ਦੇ ਮਰੀਜ਼ ਅਕਸਰ ਮਾਨਸਿਕ ਬਿਮਾਰੀਆਂ ਜਿਵੇਂ ਕਿ ਡਿਪਰੈਸ਼ਨ, ਚਿੰਤਾ ਵਿਕਾਰ ਅਤੇ ਮਾੜੀ ਖੁਰਾਕ ਤੋਂ ਪੀੜਤ ਹੁੰਦੇ ਹਨ।

ਹਲਕੀ ਟਾਈਪ II ਸ਼ੂਗਰ ਦੇ ਮਾਮਲਿਆਂ ਵਿਚ, ਪਾਚਕ ਸੈੱਲ ਅਜੇ ਵੀ ਕੰਮ ਕਰ ਰਹੇ ਹਨ ਅਤੇ ਇਸ ਲਈ ਖੁਰਾਕ ਵਿਚ ਤਬਦੀਲੀ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਅਤੇ ਤੁਹਾਡੀ ਸ਼ੂਗਰ ਨੂੰ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਕੰਟਰੋਲ ਵਿਚ ਕਰੇਗੀ। ਬਾਅਦ ਦੇ ਪੜਾਵਾਂ ਜਾਂ ਵਧੇਰੇ ਗੰਭੀਰ ਟਾਈਪ II ਸ਼ੂਗਰ ਦੀ ਸਥਿਤੀ ਵਿਚ, ਪਾਚਕ ਸੈੱਲ ਕੰਮ ਕਰਨ ਦੀ ਆਪਣੀ ਯੋਗਤਾ ਗੁਆ ਚੁੱਕੇ ਹਨ ਅਤੇ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਨ ਲਈ ਇੱਕ ਸਧਾਰਨ ਖੁਰਾਕ ਤਬਦੀਲੀ ਕਾਫ਼ੀ ਨਹੀਂ ਹੋਵੇਗ। ਅਜਿਹੀ ਹਾਲਤ ਵਿਚ ਤੁਹਾਨੂੰ ਇਲਾਜ ਦੇ ਤੌਰ ‘ਤੇ ਦਵਾਈ ਜਾਂ ਇੰਸੁਲਿਨ ਜੇ ਟੀਕੇ ਦੀ ਲੋੜ ਪਵੇਗੀ। ਪੱਛਮੀ ਦਵਾਈ ਡਾਕਟਰੀ ਸਲਾਹ ਦੇ ਹਰੇਕ ਹਿੱਸੇ ਦੀ ਭਰੋਸੇਯੋਗਤਾ ਦਾ ਮੁਲਾਂਕਣ ਕਰਨ ਲਈ ਸਬੂਤ ਅਧਾਰਿਤ ਦਵਾਈ ਦਾ ਉਪਯੋਗ ਕਰਦੀ ਹੈ। ਅੱਜ ਕੱਲ੍ਹ ਸ਼ੂਗਰ ਦੇ ਇਲਾਜ ਦੇ ਵਿਕਲਪਾਂ ਵਿੱਚੋਂ ਇੱਕ ਦੇ ਤੌਰ ‘ਤੇ ਆਈਲੈੱਟ ਸੈੱਲ ਟ੍ਰਾਂਸਪਲਾਂਟੇਸ਼ਨ ਬਾਰੇ ਅਧਿਐਨ ਕੀਤੇ ਗਏ ਹਨ।

ਕੋਰਟੀਸੋਨ ਇਕ ਕਿਸਮ ਦਾ ਸਟੇਰੌਇਡ ਹੈ। ਇਹ ਸ਼ੂਗਰ ਮਰੀਜ਼ਾਂ ਦੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਵਧਾਏਗਾ। ਜੇਕਰ ਕਿਸੇ ਸ਼ੂਗਰ ਮਰੀਜ਼ ਨੂੰ ਅਜਿਹੀ ਦਵਾਈ ਲੈਣ ਦੀ ਲੋੜ ਪੈਂਦੀ ਹੈ, ਤਾਂ ਉਸ ਮਰੀਜ਼ ਨੂੰ ਆਪਣੇ ਬਲੱਡ ਸ਼ੂਗਰ ਦੇ ਪੱਧਰ ਦੀ ਨਿਯਮਤ ਤੌਰ ‘ਤੇ ਜਾਂਚ ਕਰਵਾਉਣੀ ਚਾਹੀਦੀ ਹੈ ਤਾਂ ਜੋ ਇਹ ਸੁਨਿਸ਼ਚਿਤ ਕੀਤਾ ਜਾ ਸਕੇ ਕਿ ਸ਼ੂਗਰ ਦਾ ਪੱਧਰ ਕੰਟਰੋਲ ਹੇਠ ਰਹੇ। ਸ਼ੂਗਰ ਮਰੀਜ਼ਾਂ ਲਈ ਅਜਿਹੀ ਦਵਾਈ ਲੈਣੀ ਅਸੰਭਵ ਨਹੀਂ ਹੈ ਪਰ ਇਹ ਇਕ ਡਾਕਟਰ ਦੀ ਪੜਤਾਲ ਅਤੇ ਸਿਫਾਰਸ਼ ਦੇ ਅਨੁਸਾਰ ਲਈ ਜਾਣੀ ਚਾਹੀਦੀ ਹੈ ਜਿੱਥੇ ਕੋਰਟੀਸੋਨ ਹੀ ਇਕੋ-ਇਕ ਉਪਲੱਬਧ ਇਲਾਜ ਹੋਵੇ।

ਸ਼ੂਗਰ ਦੀਆਂ ਕਈ ਕਿਸਮਾਂ ਦੀਆਂ ਦਵਾਈਆਂ ਇਸ ਸਮੇਂ ਬਾਜ਼ਾਰ ਵਿਚ ਉਪਲੱਬਧ ਹਨ ਅਤੇ ਇਸ ਦੇ ਵੱਖੋ-ਵੱਖ ਮਾੜੇ ਪ੍ਰਭਾਵ ਹਨ। ਆਮ ਹਾਲਤਾਂ ਵਿਚ ਅਤੇ ਇਕ ਨਿਸ਼ਚਿਤ ਸੀਮਾ ਦੇ ਅੰਦਰ ਲਈਆਂ ਜਾਣ ਵਾਲੀਆਂ ਦਵਾਈਆਂ ਦਾ ਪੇਟ ਜਾਂ ਗੁਰਦੇ ‘ਤੇ ਕੋਈ ਖਾਸ ਪ੍ਰਭਾਵ ਨਹੀਂ ਹੋਣਾ ਚਾਹੀਦਾ (ਗੁਰਦੇ ਦੀ ਅਸਫਲਤਾ ਵਾਲੇ ਮਰੀਜ਼ਾਂ ਨੂੰ ਛੱਡ ਕੇ)। ਇਸ ਲਈ, ਦਵਾਈਆਂ ਦੀ ਖੁਰਾਕ ਨੂੰ ਘੱਟ ਨਾ ਕਰੋ। ਜੇਕਰ ਬਲੱਡ ਸ਼ੂਗਰ ਦਾ ਪੱਧਰ ਕੰਟਰੋਲ ਤੋਂ ਬਾਹਰ ਹੈ ਤਾਂ ਹੋਰ ਅੰਗ ਨਕਾਰਾਤਮਕ ਰੂਪ ਵਿਚ ਪ੍ਰਭਾਵਿਤ ਹੋ ਸਕਦੇ ਹਨ।

ਬੀ.ਸੀ. ਮੈਡੀਕਲ ਬੀਮਾ (ਫਾਰਮਾਕੇਅਰ) ਇੰਸੁਲਿਨ ਪੰਪਾਂ ਅਤੇ ਹੋਰਨਾਂ ਸਬੰਧਿਤ ਉਤਪਾਦਾਂ ਨੂੰ ਸਬਸਿਡੀ ਦੇਵੇਗਾ। ਹਾਲਾਂਕਿ, ਫਾਰਮਾਕੇਅਰ ਇੰਸੁਲਿਨ ਪੰਪਾਂ ਦੀ ਬੈਟਰੀ ਨੂੰ ਸਬਸਿਡੀ ਨਹੀਂ ਦਿੰਦਾ ਹੈ।

ਨਹੀਂ, ਕਿਉਂਕਿ ਡਾਕਟਰਾਂ ਨੂੰ ਇਹ ਨਿਰਧਾਰਿਤ ਕਰਨ ਲਈ ਤੁਹਾਡੇ ਖੂਨ ਦੀ ਜਾਂਚ ਕਰਨ ਦੀ ਲੋੜ ਪਵੇਗੀ ਕਿ ਤੁਹਾਨੂੰ ਸ਼ੂਗਰ ਹੈ ਜਾਂ ਨਹੀਂ।

ਹਾਈ ਬਲੱਡ ਸ਼ੂਗਰ ਵਾਲੇ ਲੋਕ, ਫਿਰ ਵੀ ਟਾਈਪ II ਸ਼ੂਗਰ ਦੀ ਸੀਮਾ ਤੋਂ ਘੱਟ “ਪ੍ਰੀ-ਡਾਇਬਿਟਿਕ” ਮੰਨੇ ਜਾਂਦੇ ਹਨ। ਅਧਿਐਨਾਂ ਵਿਚ ਇਹ ਪਤਾ ਲੱਗਿਆ ਹੈ ਕਿ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਵਿਚ ਕਰਨਾ ਤੁਹਾਡੇ ਵਿਚ ਟਾਈਪ II ਸ਼ੂਗਰ ਵਿਕਸਿਤ ਕਰਨ ਵਿਚ ਦੇਰੀ ਕਰ ਸਕਦਾ ਹੈ ਜਾਂ ਇਸ ਤੋਂ ਬਚਾਅ ਵੀ ਕਰ ਸਕਦਾ ਹੈ। ਕੁਝ ਕਿਰਿਆਵਾਂ ਜੋ ਤੁਸੀਂ ਕਰ ਸਕਦੇ ਹੋ ਉਹ ਹੈ ਕਸਰਤ ਦੀ ਮਾਤਰਾ ਨੂੰ ਵਧਾਉਣਾ ਅਤੇ/ਜਾਂ ਸਿਹਤਮੰਦ ਸੰਤੁਲਿਤ ਖੁਰਾਕ ਦਾ ਅਨੰਦ ਲੈਣਾ।

ਬਲੱਡ ਸ਼ੂਗਰ ਦੇ ਪੱਧਰ ਦੀ ਜਾਂਚ ਕਿਸੇ ਪ੍ਰਸ਼ਨਾਵਲੀ ਨੂੰ ਜਮ੍ਹਾ ਕਰਨ ਵਾਂਗ ਨਹੀਂ ਹੈ। ਉਸ ਹਾਲਤ ਵਿਚ ਟੈਸਟ ਦਾ ਨਤੀਜਾ ਬੇਕਾਰ ਹੈ ਜੇਕਰ ਤੁਸੀਂ ਨਤੀਜੇ ਦੀ ਵਿਆਖਿਆ ਨਹੀਂ ਕਰਦੇ ਹੋ ਅਤੇ ਆਪਣੀ ਜੀਵਨ ਸ਼ੈਲੀ ਨੂੰ ਬਿਹਤਰ ਬਣਾਉਣ ਲਈ ਇਸ ਦਾ ਉਪਯੋਗ ਕਰਦੇ ਹੋ। ਜੇਕਰ ਤੁਸੀਂ ਨਹੀਂ ਜਾਣਦੇ ਕਿ ਚੁਭਣ ਦਾ ਟੈਸਟ ਕਿਵੇਂ ਕਰਨਾ ਹੈ, ਜਾਂ ਇਸ ਟੈਸਟ ਨੂੰ ਕਰਨਾ ਮੁਸ਼ਕਲ ਸਮਝਦੇ ਹੋ ਜਾਂ ਖੁਦ ਇਹ ਟੈਸਟ ਕਰਨ ਤੋਂ ਡਰਦੇ ਹੋ, ਤਾਂ ਤੁਸੀਂ ਉੱਚਿਤ ਉਪਕਰਨਾਂ, ਸੂਈਆਂ ਆਦਿ ਬਾਰੇ ਸਲਾਹ ਲਈ ਡਾਕਟਰੀ ਪੇਸ਼ੇਵਰਾਂ ਨੂੰ ਆਖ ਸਕਦੇ ਹੋ। ਬਲੱਡ ਸ਼ੂਗਰ ਦੇ ਪੱਧਰ ਦੀ ਜਾਂਚ ਕਰਨਾ ਤੁਹਾਨੂੰ ਦੱਸਦਾ ਹੈ:

• ਤੁਹਾਨੂੰ ਆਪਣੇ ਬਲੱਡ ਸ਼ੂਗਰ ਦੇ ਪੱਧਰ ਬਾਰੇ ਤੁਰੰਤ ਪਤਾ ਲੱਗ ਜਾਂਦਾ ਹੈ
• ਇਹ ਦਰਸਾਉਂਦਾ ਹੈ ਕਿ ਤੁਹਾਡੀ ਗਤੀਵਿਧੀ, ਖੁਰਾਕ ਅਤੇ ਦਵਾਈਆਂ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕਿਵੇਂ ਪ੍ਰਭਾਵਿਤ ਕਰਦੇ ਹਨ
• ਤੁਹਾਨੂੰ ਆਪਣੀ ਖੁਰਾਕ ਦੀ ਸਹੀ ਵਿਵਸਥਾ ਕਰਨ ਵਿਚ ਸਹਾਇਤਾ ਕਰਦਾ ਹੈ, ਜਿਵੇਂ ਕਿ ਤੁਹਾਡੀ ਖੁਰਾਕ ਵਿਚ ਕਾਰਬੋਹਾਈਡਰੇਟ ਦਾ ਕਿੰਨਾ ਹਿੱਸਾ ਹੈ ਜਾਂ ਕਿਹੜੀਆਂ ਕਿਸਮਾਂ ਦੇ ਕਾਰਬੋਹਾਈਡਰੇਟ ਤੁਹਾਡੀ ਖੁਰਾਕ ਵਿਚ ਸ਼ਾਮਲ ਹਨ
• ਇਹ ਤੁਹਾਨੂੰ ਦੱਸਦਾ ਹੈ ਕਿ ਕਸਰਤ ਕਰਨ ਨਾਲ ਤੁਹਾਡੇ ‘ਤੇ ਕੀ ਅਤੇ ਕਿੰਨਾ ਪ੍ਰਭਾਵ ਪੈ ਰਿਹਾ ਹੈ ਅਤੇ ਫਿਰ ਇਹ ਤੁਹਾਨੂੰ ਉੱਚਿਤ ਬਲੱਡ ਸ਼ੂਗਰ ਪੱਧਰ ਹਾਸਲ ਕਰਨ ਵਾਸਤੇ ਕਸਰਤ ਕਰਨ ਦੀ ਤੀਬਰਤਾ, ਸਮੇਂ ਅਤੇ ਦੋਹਰਾਅ ਨੂੰ ਐਡਜਸਟ ਕਰਨ ਵਿਚ ਸਹਾਇਤਾ ਕਰਦਾ ਹੈ
• ਘੱਟ ਬਲੱਡ ਸ਼ੂਗਰ ਦੀ ਰੋਕਥਾਮ ਅਤੇ ਕੰਟਰੋਲ ਕਰਨਾ
• ਇਹ ਤੁਹਾਡੇ ਸਿਹਤ ਦੇਖਭਾਲ ਪ੍ਰਦਾਤਾ ਨੂੰ ਤੁਹਾਡੀ ਦਵਾਈ ਨੂੰ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਵਿਵਸਥਿਤ ਕਰਨ ਅਤੇ ਤੁਹਾਨੂੰ ਜੀਵਨ ਸ਼ੈਲੀ ਵਿਚ ਸੁਧਾਰ ਲਈ ਸੁਝਾਅ ਦੇਣ ਲਈ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਦੇ ਕੰਟਰੋਲ ਅਤੇ ਤੁਹਾਡੀ ਜੀਵਨ ਸ਼ੈਲੀ ਨੂੰ ਸਮਝਣ ਵਿਚ ਸਹਾਇਤਾ ਕਰਦਾ ਹੈ

ਆਪਣੇ ਸਿਹਤ ਦੇਖਭਾਲ ਪ੍ਰਦਾਤਾ ਨੂੰ ਪੁੱਛੋ ਕਿ ਟੈਸਟ ਕਿਵੇਂ ਕਰਨਾ ਹੈ ਅਤੇ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰਾਂ ਦੀ ਜਾਂਚ ਕਿਵੇਂ ਕੀਤੀ ਜਾਂਦੀ ਹੈ।

ਕੋਈ ਵੀ ਫੈਮਿਲੀ ਡਾਕਟਰ ਸ਼ੂਗਰ ਦੀ ਦੇਖਭਾਲ ਕਰ ਸਕਦਾ ਹੈ। ਜੇਕਰ ਤੁਹਾਨੂੰ ਕਿਸੇ ਮਾਹਰ ਦੀ ਲੋੜ ਪਵੇ ਤਾਂ ਤੁਹਾਡਾ ਫੈਮਿਲੀ ਡਾਕਟਰ ਤੁਹਾਨੂੰ ਉਸ ਡਾਕਟਰ ਦਾ ਰੈਫਰਲ ਦੇਵੇਗਾ। ਜੇਕਰ ਤੁਹਾਡੇ ਕੋਲ ਪਹਿਲਾਂ ਤੋਂ ਹੀ ਫੈਮਿਲੀ ਡਾਕਟਰ ਨਹੀਂ ਹੈ, ਤਾਂ ਕਿਰਪਾ ਕਰ ਕੇ ਆਪਣੇ ਖੇਤਰ ਦੇ ਫੈਮਿਲੀ ਡਾਕਟਰਾਂ ਦੀ ਪੁੱਛਗਿੱਛ ਕਰਨ ਲਈ ਕਾਲਜ ਆਫ਼ ਫਿਜ਼ੀਸ਼ੀਅਨ (College of Physician) ਨੂੰ ਕਾਲ ਕਰੋ।

ਮੁਟਾਪਾ ਇੰਸੁਲਿਨ ਪ੍ਰਤੀਰੋਧ ਨੂੰ ਵਧਾਉਂਦਾ ਹੈ ਅਤੇ ਇਸ ਤਰ੍ਹਾਂ ਬਲੱਡ ਸ਼ੂਗਰ ਦੇ ਪੱਧਰ ਦੇ ਕੰਟਰੋਲ ਨੂੰ ਪ੍ਰਭਾਵਿਤ ਕਰਦਾ ਹੈ। ਅਧਿਐਨਾਂ ਵਿਚ ਇਹ ਪਤਾ ਚੱਲਿਆ ਹੈ ਕਿ ਜੇਕਰ ਇਕ ਵਿਅਕਤੀ ਜੋ ਕਿ ਜ਼ਿਆਦਾ ਭਾਰ ਵਾਲਾ ਹੈ, ਜੇਕਰ ਉਹ ਆਪਣਾ ਭਾਰ 5-10% ਘੱਟ ਕਰ ਲੈਂਦਾ ਹੈ, ਤਾਂ ਇਹ ਉਸ ਦੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਨ ਵਿਚ ਸਹਾਇਤਾ ਕਰੇਗਾ।

ਸਿਹਤਮੰਦ ਜੀਵਨ ਸ਼ੈਲੀ ਜਿਵੇਂ ਕਿ ਸਿਹਤਮੰਦ ਸੰਤੁਲਿਤ ਖੁਰਾਕ ਰੱਖਣਾ, ਨਿਯਮਤ ਤੌਰ ‘ਤੇ ਕਸਰਤ ਕਰਨਾ ਅਤੇ ਸਿਹਤਮੰਦ ਭਾਰ ਬਣਾਈ ਰੱਖਣਾ, ਇਹ ਸਭ ਸ਼ੂਗਰ ਦੇ ਵਿਕਾਸ ਦੇ ਜੋਖਮਾਂ ਨੂੰ ਘਟਾ ਦੇਵੇਗਾ।

ਜ਼ਿਆਦਾ ਭਾਰ ਹੋਣ ਕਾਰਨ ਸ਼ੂਗਰ ਰੋਗ ਹੋਣ ਦੀ ਸੰਭਾਵਨਾ ਬਹੁਤ ਵੱਧ ਜਾਂਦੀ ਹੈ। ਬਾਡੀ ਮਾਸ ਇੰਡੈਕਸ (ਬੀਐਮਆਈ) ਅਤੇ ਕਮਰ ਦਾ ਘੇਰਾ ਇਹ ਨਿਰਧਾਰਤ ਕਰਨ ਲਈ ਦੋ ਸਭ ਤੋਂ ਆਮ ਤਰੀਕੇ ਹਨ ਕਿ ਕੀ ਤੁਹਾਡਾ ਵਜਨ ਸਿਹਤਮੰਦ ਰੇਂਜ ਵਿੱਚ ਆਉਂਦਾ ਹੈ ਜਾਂ ਨਹੀਂ। ਬੀਐਮਆਈ ਸਮੁੱਚੇ ਸਰੀਰ ਦੀ ਵਸਾ ਦੇ ਤੱਤ ਨੂੰ ਦਰਸਾਉਂਦਾ ਹੈ, ਅਤੇ ਕਮਰ ਦਾ ਘੇਰਾ ਕਮਰ ਦੇ ਆਲੇ-ਦੁਆਲੇ ਦੀ ਵਸਾ ਨੂੰ ਦਰਸਾਉਂਦਾ ਹੈ। ਕਮਰ ਦੇ ਆਲੇ-ਦੁਆਲੇ ਇਕੱਤਰ ਵਸਾ ਨੂੰ ਇੰਸੁਲਿਨ ਪ੍ਰਤੀਰੋਧਕਤਾ ਦੇ ਨਾਲ ਜੋੜਿਆ ਜਾਂਦਾ ਹੈ ਅਤੇ ਇਸ ਤਰ੍ਹਾਂ ਇਹ ਡਾਇਬਿਟੀਜ਼ ਨੂੰ ਵਿਕਸਿਤ ਕਰਨ ਦੇ ਵਧੇ ਹੋਏ ਜੋਖਮ ਦਾ ਇਸ਼ਾਰਾ ਕਰਦਾ ਹੈ। ਇਸ ਤੋਂ ਇਲਾਵਾ, ਕਮਰ ਦੇ ਆਲੇ-ਦੁਆਲੇ ਵਸਾ ਦੀ ਕਾਫੀ ਜਿਆਦਾ ਮਾਤਰਾ ਹਾਈ ਬਲੱਡ ਪ੍ਰੈਸ਼ਰ, ਉੱਚ ਕੋਲੇਸਟ੍ਰੋਲ ਦੇ ਪੱਧਰ, ਉੱਚ ਟ੍ਰਾਇਗਲਿਸਰਾਈਡ ਦੇ ਪੱਧਰ ਅਤੇ ਦਿਲ ਦੇ ਦੌਰੇ ਦੇ ਜੋਖਮ ਨੂੰ ਵਧਾ ਸਕਦੀ ਹੈ। ਏਸ਼ਿਆਈ ਪੁਰਸ਼ ਅਤੇ ਔਰਤ ਦੇ ਕਮਰ ਦਾ ਘੇਰਾ ਕ੍ਰਮ ਵਿੱਚ 90 ਸੈਮੀ (36 ਇੰਚ) ਅਤੇ 80 ਸੈਮੀ (32 ਇੰਚ) ਨਾਲੋਂ ਘੱਟ ਜਾਂ ਇਸ ਦੇ ਬਰਾਬਰ ਹੋਣਾ ਚਾਹੀਦਾ ਹੈ।

ਇਕੱਲੀ ਸ਼ਰਾਬ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਨਹੀਂ ਵਧਾਉਂਦੀ। ਹਾਲਾਂਕਿ, ਸ਼ਰਾਬ ਵਾਲੇ ਪੀਣ ਵਾਲੇ ਪਦਾਰਥਾਂ ਅਤੇ ਮਿਸ਼ਰਿਤ ਡਰਿੰਕਸ ਵਿਚ ਖੰਡ ਦੀ ਮਾਤਰਾ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਵਧਾ ਸਕਦੀ ਹੈ। ਕਿਉਂਕਿ ਸ਼ਰਾਬ ਨੂੰ ਹਜ਼ਮ ਕਰਨ ਦੀ ਲੋੜ ਨਹੀਂ ਪੈਂਦੀ ਹੈ, ਸਾਡਾ ਸਰੀਰ ਛੇਤੀ ਹੀ ਇਸ ਨੂੰ ਸੋਖ ਲਵੇਗਾ, ਖ਼ਾਸ ਤੌਰ ‘ਤੇ ਉਦੋਂ, ਜਦੋਂ ਸਾਡਾ ਪੇਟ ਖਾਲੀ ਹੁੰਦਾ ਹੈ। ਸਾਧਾਰਨ ਹਾਲਤਾਂ ਵਿਚ ਬਲੱਡ ਸ਼ੂਗਰ ਦੇ ਘੱਟ ਪੱਧਰ ਨੂੰ ਰੋਕਣ ਵਾਸਤੇ ਸਾਡਾ ਜਿਗਰ ਭੋਜਨ ਕੀਤੇ ਬਗੈਰ ਜਾਂ ਫਿਰ ਸਖਤ ਕਸਰਤ ਤੋਂ ਬਾਅਦ ਸਾਡੇ ਖੂਨ ਦੇ ਪ੍ਰਵਾਹ ਵਿਚ ਗਲਾਈਕੋਜਨ ਨੂੰ ਜਾਰੀ ਕਰੇਗਾ। ਹਾਲਾਂਕਿ, ਜਦੋਂ ਅਸੀਂ ਖਾਲੀ ਪੇਟ ਹੁੰਦੇ ਹੋਏ ਸ਼ਰਾਬ ਪੀਂਦੇ ਹਾਂ, ਤਾਂ ਸਾਡਾ ਜਿਗਰ ਪਹਿਲਾਂ ਸ਼ਰਾਬ ਦੀ ਪ੍ਰਕਿਰਿਆ ਕਰੇਗਾ ਅਤੇ ਗਲਾਈਕੋਜਨ ਨੂੰ ਜਾਰੀ ਨਹੀਂ ਕਰੇਗਾ। ਇਸ ਨਾਲ ਸਾਡੇ ਸਰੀਰ ਵਿਚ ਬਲੱਡ ਸ਼ੂਗਰ ਦਾ ਪੱਧਰ ਘੱਟ ਰਹਿੰਦਾ ਹੈ। ਇਸ ਕਾਰਨ, ਜੇਕਰ ਤੁਸੀਂ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਨ ਲਈ ਦਵਾਈ ਅਤੇ/ਜਾਂ ਇੰਸੁਲਿਨ ਦਾ ਉਪਯੋਗ ਕਰਦੇ ਹੋ, ਤਾਂ ਕਿਰਪਾ ਕਰ ਕੇ ਬਲੱਡ ਸ਼ੂਗਰ ਦੇ ਘੱਟ ਪੱਧਰ ਤੋਂ ਬਚਣ ਲਈ ਸ਼ਰਾਬ ਪੀਣ ਦੇ ਨਾਲ-ਨਾਲ ਖਾਣਾ ਯਾਦ ਰੱਖੋ। ਸ਼ਰਾਬ ਦਾ ਪ੍ਰਭਾਵ 24 ਘੰਟੇ ਤੱਕ ਰਹਿ ਸਕਦਾ ਹੈ।

ਬੀਅਰ ਪੀਣ ਨਾਲ ਸ਼ੂਗਰ ਹੋਣ ਦੇ ਜੋਖਮ ਵਿਚ ਵਾਧਾ ਨਹੀਂ ਹੋਵੇਗਾ ਪਰ ਬੀਅਰ ਵਿਚ ਅਲਕੋਹਲ, ਚਰਬੀ, ਪ੍ਰੋਟੀਨ ਅਤੇ ਕਾਰਬੋਹਾਈਡਰੇਟ ਹੁੰਦੇ ਹਨ। ਅਲਕੋਹਲ ਦੇ ਹਰੇਕ ਗ੍ਰਾਮ ਵਿਚ 7 ਕੈਲੋਰੀ ਹੁੰਦੀ ਹੈ, ਚਰਬੀ ਦੇ ਹਰੇਕ ਗ੍ਰਾਮ ਵਿਚ 9 ਕੈਲੋਰੀ ਹੁੰਦੀ ਹੈ ਅਤੇ ਪ੍ਰੋਟੀਨ ਅਤੇ ਕਾਰਬੋਹਾਈਡਰੇਟ ਦੇ ਹਰੇਕ ਗ੍ਰਾਮ ਵਿਚ 4 ਕੈਲੋਰੀ ਹੁੰਦੀ ਹੈ। ਜੇਕਰ ਤੁਹਾਡਾ ਵਜ਼ਨ ਜ਼ਿਆਦਾ ਹੈ ਅਤੇ ਤੁਸੀਂ ਬਹੁਤ ਜ਼ਿਆਦਾ ਮਾਤਰਾ ਵਿਚ ਬੀਅਰ ਪੀਂਦੇ ਹੋ, ਤਾਂ ਬੀਅਰ ਵਿਚ ਕੈਲੋਰੀ ਤੁਹਾਡੇ ਸ਼ੂਗਰ ਨਾਲ ਪੀੜਤ ਹੋਣ ਦੇ ਜੋਖਮ ਨੂੰ ਵਧਾਏਗੀ।

ਤੁਹਾਨੂੰ ਇਕ ਵਾਰ ਵਿਚ ਕਿੰਨੀ ਮਾਤਰਾ ਵਿਚ ਭੋਜਨ ਖਾਣ ਦੀ ਲੋੜ ਹੈ, ਇਹ ਤੁਹਾਡੀ ਉਮਰ, ਲਿੰਗ, ਉੱਚਾਈ, ਸਰੀਰ ਦੇ ਭਾਰ ਅਤੇ ਗਤੀਵਿਧੀ ਦੀ ਮਾਤਰਾ ‘ਤੇ ਨਿਰਭਰ ਕਰਦਾ ਹੈ। ਇਕ ਵਿਅਕਤੀ ਨੂੰ ਦਿਨ ਵਿਚ ਘੱਟੋ-ਘੱਟ ਤਿੰਨ ਵਾਰ ਭੋਜਨ ਕਰਨਾ ਚਾਹੀਦਾ ਹੈ ਅਤੇ ਵੱਖ-ਵੱਖ ਕਿਸਮ ਦੇ ਭੋਜਨ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਜੇਕਰ ਤੁਸੀਂ ਇਸ ਸਮੇਂ ਕਿਸੇ ਦਵਾਈ ਅਤੇ/ਜਾਂ ਇੰਸੁਲਿਨ ‘ਤੇ ਹੋ ਅਤੇ ਖਾਣੇ ਦੀ ਯੋਜਨਾ ਬਨਾਉਣ ਦੀ ਲੋੜ ਹੈ ਤਾਂ ਕਿਰਪਾ ਕਰ ਕੇ ਆਪਣੇ ਸ਼ੂਗਰ ਆਹਾਰ ਵਿਚ ਮੁਹਾਰਤ ਹਾਸਲ ਡਾਕਟਰ ਨਾਲ ਆਪਣੀ ਲੋੜ ਬਾਰੇ ਵਿਚਾਰ ਕਰੋ।

ਸ਼ੂਗਰ ਤੋਂ ਪੀੜਤ ਅਤੇ ਗੈਰ-ਸ਼ੂਗਰ ਮਰੀਜ਼ਾਂ ਲਈ ਰੋਜ਼ਾਨਾ ਲੂਣ (ਸੋਡੀਅਮ) ਦਾ ਸੇਵਨ ਇਕੋ ਜਿਹਾ ਹੈ। ਬਾਲਗਾਂ ਨੂੰ ਰੋਜ਼ਾਨਾ 1,500 ਮਿਲੀਗ੍ਰਾਮ ਦੀ ਲੋੜ ਹੁੰਦੀ ਹੈ। ਹੈਲਥ ਕੈਨੇਡਾ (Health Canada) ਨੇ ਬਾਲਗਾਂ ਵਾਸਤੇ ਵੱਧ ਤੋਂ ਵੱਧ 2300 ਮਿਲੀਗ੍ਰਾਮ ਰੋਜ਼ਾਨਾ ਲੂਣ ਦਾ ਸੇਵਨ ਕਰਨ ਦਾ ਸੁਝਾਅ ਦਿੱਤਾ ਹੈ। ਸਾਡੇ ਸਰੀਰ ਨੂੰ ਸਰੀਰ ਦੇ ਤਰਲ ਪਦਾਰਥਾਂ ਅਤੇ ਬਲੱਡ ਪ੍ਰੈਸ਼ਰ ਨੂੰ ਨਿਯਮਤ ਕਰਨ ਅਤੇ ਮਾਸਪੇਸ਼ੀਆਂ ਅਤੇ ਕੇਂਦਰੀ ਦਿਮਾਗੀ ਪ੍ਰਣਾਲੀ ਦੇ ਸਹੀ ਕੰਮਕਾਜ ਨੂੰ ਬਣਾਈ ਰੱਖਣ ਲਈ ਲੂਣ (ਸੋਡੀਅਮ) ਦੀ ਲੋੜ ਪੈਂਦੀ ਹੈ। ਬਹੁਤ ਜ਼ਿਆਦਾ ਲੂਣ ਖਾਣਾ ਤੁਹਾਡੇ ਬਲੱਡ ਪ੍ਰੈਸ਼ਰ ਨੂੰ ਵਧਾ ਸਕਦਾ ਹੈ ਜੋ ਤੁਹਾਨੂੰ ਸਟਰੋਕ, ਦਿਲ ਦਾ ਦੌਰਾ ਅਤੇ ਜਿਗਰ ਦੀ ਬਿਮਾਰੀ ਤੋਂ ਪੀੜਤ ਹੋਣ ਦੀ ਸੰਭਾਵਨਾ ਨੂੰ ਵਧਾ ਸਕਦਾ ਹੈ। ਜ਼ਿਆਦਾਤਰ ਕੈਨੇਡੀਅਨ ਲੋਕਾਂ ਵਿਚ ਰੋਜ਼ਾਨਾ ਲੂਣ ਦੀ ਮਾਤਰਾ 3000 ਮਿਲੀਗ੍ਰਾਮ ਹੁੰਦੀ ਹੈ। ਕਿਰਪਾ ਕਰ ਕੇ ਯਾਦ ਰੱਖੋ ਕਿ ਇਕ ਟੇਬਲ ਸਪੂਨ ਵਿਚ 2400 ਮਿਲੀਗ੍ਰਾਮ ਸੋਡੀਅਮ ਹੁੰਦਾ ਹੈ ਜੋ ਕਿ ਸਿਫਾਰਸ਼ ਕੀਤੀ ਰੋਜ਼ਾਨਾ ਸੀਮਾ ਤੋਂ ਵੱਧ ਹੈ।

ਸ਼ਹਿਦ ਅਤੇ ਹੋਰ ਸ਼ੱਕਰ (ਉਦਾਹਰਣ ਖੰਡ/ ਗੰਨੇ ਦੀ ਖੰਡ, ਚੱਟਾਨ ਖੰਡ /ਭੂਰੀ ਖੰਡ) ਇਕੋ-ਜਿਹੇ ਹਨ। ਜਿੰਨੇ ਉਹ ਖੰਡ ਦੀ ਮਾਤਰਾ ਵਿਚ ਉੱਚੇ ਹਨ, ਓਨਾ ਹੀ ਉਹ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਵਧਾਉਣਗੇ। ਦੂਜੇ ਪਾਸੇ, ਬਨਾਉਟੀ ਮਿੱਠੇ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਪ੍ਰਭਾਵਿਤ ਨਹੀਂ ਕਰਦੇ ਹਨ। ਸ਼ੂਗਰ ਦੇ ਮਰੀਜ਼ ਉੱਚਿਤ ਮਾਤਰਾ ਵਿੱਚ ਬਨਾਉਟੀ ਮਿੱਠੇ ਦਾ ਇਸਤੇਮਾਲ ਕਰ ਸਕਦੇ ਹਨ।